30 Venres Xuñ 2017
Etiquetas
Outro curso que se foi, cada vez semella que máis rápido!
Outro curso de traballo, proxectos e problemas que solucionar. Toca agora recargar as pilas para vir con forza o curso que ven. Aos que vos quedou algunha para setembro pois…que vos imos dicir? A darlle, que o verán dá para todo!
😉
11 Domingo Xuñ 2017
Posted in Uncategorized
Si, e xa van 6!
O pasado venres 10 de xuño foi a ceremonia dos Premios Olloboi, os verdadeiros Oscars do audiovisual escolar galego e o noso vídeo Aínda que sexa un soño acadou o Olloboi á mellor BSO, co que xa son dous, xunto ao Videoghit, que leva acadados esa canción tan chula escrite e interpretada por alumnado de 4º ESO e 1º Bach do IES As Barxas.
Estamos moi felices e agradecidos ao xurado e moi agradecidos tamén ao profesorado e ao alumnado do IES A Cachada, de Boiro, que, ano si e outro tamén, poñen en marcha unha iniciativa que ben merece de maís atención por parte de todxs e máis axuda das autoridades educativas.
Parabéns a todxs xs participantes!
O ensino de Finlandia faise aquí!
27 Sábado Mai 2017
Etiquetas
Si! Nos premios convocados polo IES Pintor Colmeiro de Silleda acabamos de gañar o Videoghit á mellor interpretación vocal. Todos os parabéns do mundo ao grupo de 1º Bach que realizou o vídeo, especialmente á alumna Antía González, a voz principal na peza. E parabéns ao grupo de 4ºDIV do curso 2015 – 2016! Eles compuxeron Aínda que sexa un soño, unha canción moi chula, estupenda contribución ao escaso repertorio de pop adolescente en galego.
O noso recoñecemento tamén para o profe (de filosofía) Suso Sulleiro, que leva xa uns cantos anos organizando este certame centrado no audiovisual e na música na nosa língua. As cousas non saen da nada, saen do traballo duro e do compromiso de profesionais coma Suso. Para nós é unha verdadeira honra participar nesta iniciativa.
E non queremos esquecer tampouco darlles os parabéns aos demáis premiados, e a todos os participantes. Tedes toda a info aquí.
Seguimos!
18 Xoves Mai 2017
Etiquetas
A longa tempada que levamos de rodaxes e composicións esta dando froitas tan interesantes como este video clip que é unha curta musical e tamén silenciosa, na que o alumnado de 1º Bach deste curso escenifica unha composición orixinal do alumnado de 4º DIV do curso pasado.
Fenomenal tutti!
09 Xoves Mar 2017
Posted in Enseñanza TIC, Obradoiro Músicasbarxas, Re2 filmes
Etiquetas
Despois duns meses de duro traballo de composición, arranxos e gravación de novas cancións, comezamos onte a filmar os video clips deste curso. De momento non contamos máis nada que andamos moi ocupados.
😉
27 Venres Xan 2017
Posted in Uncategorized
A alumna do IES AS Barxas Isabel Cascante, entrevista ao director de cine grego Costa Gavras
Hoxe mesmo, alumnado e profesorado do IES As Barxas está asistindo ao festival Premiers Plans de Angers, en Francia, nada menos que como xurado, dentro do proxecto SAFTAS, do Eramus +, no que estamos implicados.
Unha das actividades que realizamos dentro deste proxecto foron exercicios de técnica audiovisual que nos están axudando moito a afinar aqueles aspectos técnicos que debemos asimilar e outros que empregamos xa pero son suceptibles de mellora.
O que nesta entrada compartimos é un Tableau vivant, isto é, unha recreación en clave audiovisual, ou teatral, dun cadro ou, coma no noso caso, dunha fotografía.
Nós eliximos unha foto moi chula de Gordon Parks, adaptándoa ao contexto do noso insti, que, mesmo cando temos que recrear, creamos!
🙂
26 Xoves Xan 2017
Posted in Uncategorized
Etiquetas
Como sabedes, na nosa canle de youtube temos un apartado chamado Creaclips, ao que subimos exercidos de composición realizados polo alumnado de música do IES As Barxas.
Aí tedes unha composición instrumental a cargo dun grupo de alumnos de 1º de bacharelato, che de ritmos e intención.
O traballo coa cámara é de Paula González.
😉
12 Xoves Xan 2017
Posted in Enseñanza TIC, Uncategorized
Etiquetas
Queres saber como foi o rock and roll dos anos 90? Pois dalle ao play a este video realizado polas alumnas Antía González e Marta Fernández; un repasiño en menos de tres minutos ao máis destacado da música popular urbana feita daquela.
Este video súmase aos outros dous que xa temos subidos na lista de reprodución correspondente, na nosa canle de youtube. Non lles quites ollo que veñen máis en camiño!
Parabéns chicas!
🙂
23 Venres Dec 2016
Posted in Obradoiro Músicasbarxas
Etiquetas
Que sexades moi felices durante estas merecidas vacacións e que volvades coas pilas ben cargadiñas que temos mooooooooito que facer!
Rescatamos da nosa canle de youtube este video que fixeramos con motivo dun Nadal pasado, xusto cando este blog e o proxecto Obradoiro Músicasbarxas estaba recén comezadiño.
Apertas especiais ao alumnado que, estando en 2º ESO, fixo o video, están agora no derradeiro curso no insti!
😉
21 Mércores Dec 2016
Etiquetas
Por segundo ano consecutivo, o Departamento de música do IES As Barxas acadou un dos premios que otorga a Fundación GSD de Innovación de Educativa. No curso pasado fora polo noso proxecto de ensinanza da música poñendo no acento na creatividade e nas novas tecnoloxías a través da rede, o Obradoiro Músicasbarxas, esta vez é por Alto alto como una montaña, un proxecto de creación de contidos e iniciativas para a educación e a integración do alumnado con Trastorno do espectro do autismo, TEA, que compartimos co CEP Santa Mariña, de Redondela, o IES Ribeira do Louro, de Porriño, e o Centro Vínculo Atención Temprana, de Moaña e con moitas persoas que veñen colaborando desinteresadamente neste esforzo compartido.
En palabras do xurado: “El jurado quiere destacar la sensibilidad con la que se afronta la educación del alumnado con autismo en este proyecto, con la elaboración de un material propio y la implicación de las familias, personal del Centro y otros profesionales. Un proyecto que se viene realizando desde 2012, estando muy bien referenciado y difundido en la red.
El jurado desea felicitar a aquellas personas que, sin citar específicamente, han posibilitado que este proyecto sea una realidad.”
Desde aquí queremos facer partícipes do premio moi especialmente á parte musical do proxecto, na que participan Montse Ogando, Victor Castro, Franc Górriz e Aleixo Jablonski.
Agradecemos unha vez máis ao xurado dos premios GSD Innova e felicitamos á fundación por unha iniciativa que anima a seguirmos traballando polos procesos de mellora no eido educativo.
Aquí está a entrada no blog Alto alto como una montaña con máis info.
A entrega dos galardóns será o próximo 3 de febreiro no Instituto Cervantes, en Madrid.
Imos!
